22 vjet më parë, pas luftës heroike të UÇPMB-së, LPD-ja erdhi si forcë politike për të qenë garancë e komunitetit shqiptar në vendin tonë.
Objektivi i LPD-së, që nga dita e parë, ka qenë, është dhe përjetësisht do të mbetet sigurimi e mbrojtja e lirisë dhe të drejtave të qytetarëve shqiptarë në Luginë.
Programi ynë kombëtar, mbi betimin se e vetmja rrugë e nderit, është rruga e qëndresës dhe organizimit, tashmë ka marrë zemrat dhe besimin tuaj.
Prandaj, në këtë përvjetor të rëndësishëm, u jam mirënjohës përjetësisht familjeve të dëshmorëve, veteranëve e invalidëve të luftës, veprimtarëve të çështjes kombëtare si dhe themeluesve, veprimtarëve e aktivistëve të LPD-së që në një formë apo në një tjetër, çuan projektin e LPD-së përpara.
U jam mirënjohës dhe falënderues secilit qytetar për mbështetjen. Dera jonë është gjithmonë e hapur – sepse kjo shtëpi e madhe politike u ndërtua për ju.
Bashkë jemi një familje e madhe që nuk e mposhtë asgjë.
Urime 22 vjetorin të gjithëve
Me respekt,
Shqiprim J.Musliu
Kryetar i LPD-së.
