Këshilli i të Urtëve

          Këshilli i të Urtëve është organ orientues, këshilldhënës dhe mbikqyrës për politikat strategjike të Partisë.

          Këshilli i të Urtëve përbëhet prej anëtarëve me mandat të përjetshëm.

          Anëtarë të Këshillit të të urtëve janë themeluesit e partisë, anëtarët e organeve të kaluara të partisë, ish-funksionarë të partisë si dhe anëtarët e nderit të partisë. Kryetari i Këshillit të të urtëve propozohet nga Kryetari i Partisë, me miratim të Kuvendit.

          Këshilli i të urtëve i merr vendimet me konsensus midis anëtarëve të Këshillit.

          Vendimet e Këshillit të të Urtëve janë orientuese për veprime politike për të gjitha organet e Partisë.

Kompetencat e Këshillit të të Urtëve të Partisë janë:

• diskuton politikat e përgjithshme të Partisë;
• sugjeron organeve vendimmarrëse të partisë propozime për politikat e jashtme dhe të brendshme;
• jep propozime Kryesisë se në cilin drejtim duhet të lëvizë partia dhe për çdo iniciativë për ndryshim të orientimit strategjik dhe programor të partisë;
• ndihmon organet e tjera qendrore me këshilla, rekomandime, iniciativa, plane, analiza dhe ide;
• prodhon dokumente strategjike për nevoja të partisë;
• jep pëlqim kandidatëve për Kryetar të partisë;
• jep vlerësim për nevojën e bashkëpunimit me partitë tjera politike;
• jep vlerësim për koalicionet parazgjedhore dhe paszgjedhore;
• sipas nevojës vendos edhe për çështje tjera të lidhura me partinë dhe Statutin;