Këshilli Qendror

         Këshilli Qendror është organi më i lartë vendimmarrës ndërmjet dy Kuvendeve.

          Anëtarët e Këshillit Qendror janë anëtarët sipas funksionit dhe përbërjes së përhershme.

         Anëtarë sipas funksionit janë: Kryetari i Partisë, Nënkryetarët, Sekretarët, Kryetarët e Degëve dhe Nëndegëve, Kryetari i Këshillit të të urtëve,           Kryetari i Forumit Rinor, Kryetarja e Forumit të Gruas, Kryetarët e Komisioneve si dhe funksionarët e institucioneve lokale dhe shtetërore nga             radhët e partisë.

         Anëtarët e përbërjes së përhershme propozohen nga Kryetari i Partisë dhe emërohen nga Kuvendi.

         Anëtarët e Këshillit Qendror që emërohen nga Kuvendi kanë mandat 4 vjeçar, ndërsa i funksionarëve në varësi të mandatit që ushtrojnë.

Këshilli Qendror:

• verifikon zbatimin e Programit dhe Statutit, si dhe propozimet për ndryshimet dhe plotësimet e tij;
• shqyrton dhe propozon çështje të cilat duhet t’i shqyrtojë Kuvendi dhe zbaton vendimet e Kuvendit;
• përcakton pozicionet politike dhe përcaktimet e Partisë si dhe organeve të saj;
• shqyrton dhe miraton raporte për punën e organeve tjera të partisë;
• miraton të gjitha rregulloret e Partisë;
• vendos për themelimin, ngrirjen e aktiviteteve ose shpërbërjen e njësive organizative sipas parimit territorial dhe kujdeset për harmonizimin e punës së tyre;
• verifikon listën e kandidatëve për deputetë, këshilltar si dhe për funksione tjera;
• jep propozime dhe sugjerime për veprimet e Këshilltarëve të Kuvendit, të Këshillit Kombëtar Shqiptar si dhe zyrtarëve tjerë të zgjedhur ose të emëruar në organe tjera shtetërore dhe lokale nga radhët e partisë;
• shqyrton dhe miraton nevojën e bashkëpunimit për çështje konkrete programore me partitë tjera politike brenda dhe jashtë vendit ose bashkimin me ndonjë parti tjetër politike;
• vendos numër proporcional të delegatëve për Kuvend zgjedhor, bazuar në rezultatin e zgjedhjeve të fundit;
• në situata urgjente merr vendime në kompetencë të Kuvendit, për të cilat Kuvendi deklaron në seancën e parë pasardhëse;
• sipas nevojës vendos edhe për çështje tjera të lidhura me partinë, në pajtim me këtë Statut dhe aktet tjera të përgjithshme të Partisë;